Një ngjarje e rëndë dhe e trishtë është raportuar nga mediat ditën e sotme, ku një i ri prej tre ditësh e ka patur të shtruar babain në Infektiv, por tashmë nuk e gjen dot më!
I riu është njoftuar në mënyrë jo zyrtare se i ati i ka ndërruar jetë, ndërkohë që ai vijon t’i dërgojë ushqime.
Djali ndërkohë sorollatet në çdo pavijon të spitalit, pot askush nga stafi mjekësor apo administrate në siptal dhe në morg, nuk i jep informacion.
“Unë kam babin tim prej tre ditësh atje dhe tani më erdhi lajmi nga jashtë që ai ka vdekur, unë sot i dërgoj ushqime. A hanë të vdekurit ushqime?!”, është shprehur djali.
Ai ankohet se nga Spitali infektiv nuk i jep asnjë informacion dhe se në celular prej disa ditësh nuk ka folur me të atin, gjë që ka shtuar dyshimet se babai i tij mund të ketë ndërruar jetë.
“Ka njeri të më japi një përgjigje se çfarë është bërë se nuk më japin përgjigje as tek infektivi dhe as në morg”, ka thënë i shqetësuar i riu.
Pasi është interesuar nëpërmjet efektivëve të policisë, ai ka marrë vesh se edhe përfaqësuesit e morgut kanë deklaruar se nuk ka kufomë me identitetin e të atit të tij në morg./GazetaReforma.com/
