Pasditen e sotme u shënua vitkima e parë nga zjarret në vendin tonë, ndërsa situate vazhdon të jetë kritike. Policia njofton se personi që ka humbur jetën në Gjirokastër është A.H., rreth 64 vjeç. Ai humbi jetën në bahçen në afërsi të banesës së tij në fshatin “Asim Zeneli”.
Ndërkohë, ka mbetur e dëmtuar nga flakët edhe bashkëshortja e tij, T.H, rreth 57 vjeçe, e cila është dërguar në Spitalin Rajonal të Gjirokastrës.
Grupi hetimor nën drejtimin e Prokurorisë Pranë Gjykatës së Rrethit Gjyqësor Gjirokastër ndodhen në vendngjarje dhe vijojnë punën për zbardhjen e rrethanave të ngjarjes. Shërbimet e policisë dhe zjarrfikësit kanë shkuar në vendngjarje.
Njoftimi i policisë:
Gjirokastër/ Informacion paraprak.
Rreth orës 17:00, njoftohemi se në fshatin “Asim Zeneli”, në bahçen në afëri banesës së tij, shtetasi A. H., rreth 64 vjeç, ka humbur jetën, si pasojë e flakëve të përhapura nga një vatër zjarri në fshatin “Asim Zeneli”.
Gjithashtu ka mbetur e dëmtuar nga flakët dhe bashkëshortja e tij, shtetasia T. H., rreth 57 vjeçe, e cila ndodhet në Spitalin Rajonal Gjirokastër.
Në vendngjarje kanë shkuar shërbimet e Policisë dhe zjarrfikëse.
Grupi hetimor nën drejtimin e Prokurorisë Pranë Gjykatës së Rrethit Gjyqësor Gjirokastër ndodhen në vendngjarje dhe vijojnë punën për zbardhjen e rrethanave të ngjarjes.
