Koronavirusi ka pekur shumë mosha të reja edhe në vendin fqinj, Greqi. Bëhet me dije nga mediat greke se një 15-vjeçare ka humbur jetën nga COVID-19 ditën e sotme. Gjithashtu mësohet se adoleshentja kishte edhe sëmundje shoqëruese. Vetëm disa orë pasi është shtruar në spitalin eThebës, e reja ka ndërruar jetë.
“15-vjeçarja u shtrua këtë mëngjes në spitalin e Thebes me simptoma të virusit. Fatkeqësisht, ne u informuam për ngjarjen e pakëndshme dhe u bëj thirrje qytetarëve për kujdes të madh dhe respektim të rreptë të masave”, ka deklaruar kryetari i bashkisë së Thebës.
Ndër të tjera bëhet me dije se nëna e vajzës që humbi jetën ndodhet e intubuar në spital. 15-vjeçarja është viktima më e re e regjistruar deri tani nga koronavirusi në Greqi.
Ndërkohë, shteti fqinj është në një mbyllje të rreptë që prej nëntorit pasi numri i rasteve të reja me COVID-19 është rritur ndjeshëm. Prej fillimit të pandemisë vendi ka regjisraur më shumë se 158 mijë raste pozitive me virus, teksa numri i vdekjeve deri tani është 5851. Numri i personave të shëruar është më shumë se 139 mijë, ndërsa numri i rasteve aktive është më shumë se 8 mijë, nga të cilët 244 janë në gjendje kritike per jeten.
