Studentët e Mjekësisë kanë vazhduar këtë të mërkurë protestat që kundërshtojnë ligjin që i detyron ato të punojnë 5 vite në Shqipëri për të marrë diplomën ose në të kundërt duhet të paguajnë një tarifë të majme. Studentët me pankarta në duar kanë nisur marshimin nga ambientet e Universitetit të Mjekësisë drejt Ministrisë së Arsimit.
Kujtojmë se studentët e mjekësisë nuk kanë marrë pjesë në mësim, duke bojkotuar këtë të fundit që nga nisja e vitit të ri akademik. Ata kanë kërkuar ballafaqim të drejtpërdrejtë me ministren e Arsimit dhe me zyrtarë të qeverisë për të kundërshtuar ligjin që sipas tyre është “i padrejtë”.
