Gjykata e Tiranës ka pranuar kërkesën e prokurorisë duke lënë në burg infermieren e spitalit psikiatrik Elisabeta Bardhollarin, ndërsa Orjada Hoxha është lënë në arrest shtëpie.
Këto dy shtetase u arrestuan pasi në bashkëpunim me njëra-tjetrën nëpërmjet mashtrimit përvetësuan rreth 400 milion lekë pajisje elekroshtëpiake. Referuar hetimeve të kryera nga autoritetet e policisë, infermierja e psikiatrisë u vidhte kartat e identitetit pacientëve në spital, për t’i përdorur për kredi.
Bardhollari punonjëse në dyqanin e elektroshtepiakeve, dhe Hoxha përdornin një institucion finaciar për të tërhequr para përmes aplikimeve online duke përdorur mjetet e identifikimit pa dijeninë e pacientëve.
Ky skandal u zbulua vetëm dy ditë më parë dy dite më parë, ku Krimi Ekonomik ka zbuluar një rast të rëndë në një spital në Tiranë. Pas hetimeve të kryera u zbulua që një infermiere iu vidhte kartat e identitetit pacientëve të shtruar në spitale, dhe merrte kredi në emër të tyre.
Kujtojmë se si infermierja ashtu edhe shitësja u arrestuan nga autoritetet e policisë ndërkohë që janë sekuestruar elektroshtëpiake me vlerë rrreth 40 milionë lekë të reja.
Elisabeta Bardhollari ka qenë edhe më parë e proceduar penalisht për të njëjtën skenë mashtrimi, por është hetuar në gjendje të lirë. Raste të tilla të ngjashme janë përsëritur edhe më parë brenda këtij viti. Kujtojmë edhe rastin “Tirja” që bëri shumë bujë në media pak muaj më parë.
