Autoritetet e Policisë së Skraparit vijojnë punën e tyre për kapjen dhe procedimin e personave që kryejnë vepra penale të ndryshme. Falë kontrolleve të kryera është bërë i mundur arresimi i dy personave të cilët akuzohen për vjedhje të energjisë elektrike. Sipas informacioneve të marra nga Uniformat blu ,bëhet me dije se pas kontrolleve në banesën e 65-vjeçarit Ferruzan Shallari dhe Ernest Shallari 41-vjeç, të dy banues në Gjerbes në Skrapar, konstatuan lidhje të paligjshme të energjisë.
Sakaq materialet i kaluan Prokurorisë së Rrethit Gjyqësor Berat, për veprime të mëtejshme.
Njoftimi i plotë i Policisë:
Skrapar/Informacion
Vidhnin energji elektrike nëpërmjet lidhjeve të paligjshme, vihen në pranga 2 shtetas.
Shërbimet e Policisë Skrapar, bazuar në informacionet e marra se dy shtetas përfitonin energji elektrike nëpërmjet lidhjeve të paligjshme, së bashku me punonjësit e OSHEE-së, organizuan punën dhe ushtruan kontroll në banesat e shtetasve F. Sh. dhe E. Sh., ku konstatuan lidhje të paligjshme të energjisë elektrike.
Në përfundim të veprimeve të para hetimore, specialistët e Seksionit për Krimet arrestuan në flagrancë shtetasit F. Sh., 65 vjeç dhe E. Sh., 41 vjeç, të dy banues në Gjerbës, Skrapar, për veprën penale “Vjedhja e energjisë elektrike”.
Materialet i kaluan Prokurorisë së Rrethit Gjyqësor Berat, për veprime të mëtejshme.
