Pamjet e filmuara nga një dron janë bërë virale tashmë në të gjitha mediat ndërkombëtare, kur një kampioni sërfi në Australi i afrohet fare pranë një peshkaqen i madh.
Sërfisti i njohur botëror Matt Wlikinson, ka shpëtuar “për fije” kur atij i është afruar një peshkaqen 3 metra, gjatë stërvitjes në ujërat e gjirit New South në Australi.
Pamjet e filmuara nga një dron janë parë nga ekipi i shpëtimit, i cili ka shkuar menjëherë në vendngjarje për të shpëtuar sërfistin.
Ndërsa Matt, pasi pa videon u habit pasi kur po bënte stërvitjen nuk mund të shihte se çfarë po ndodhte nën ujë, por vetëm kishte dëgjuar një zhurmë.
“Të tregohem i sinqertë dëgjova një zhurmë, por nuk mund të shihja asgjë”,- u shpreh Wilkinson.
Nëse ekipi i shpëtimit nuk do kishte mbërritur në kohë, situata mund të kishte përfunduar në tragjedi.
/GazetaReforma.com/
