Policia e Shtetit nuk është mjaftuar me një vrasje dhe sot gjatë gueriljes urbane në Tiranë ka tentuar edhe të tjera e mbuluar nga nata.
Duket se të trishtuar nga dorëheqja e detyruar e ministrit Gjeneral Lleshaj, “ushtarët” nën uniformën blu, kanë tentuar hakmarrje të re ndaj të rinjve të Tiranës që kishin mbushur rrugët.
Në një video të fiksuar nga një filmim amator dhe të shpërndarë në rrjet mandej nga “JOQ-Albania”, shikohet qartë momenti kur njëri prej policëve të FNSH-së që i printe falangës së efektivëve anti-turmë, ka qëlluar me armë zjarri drejt protestuesve.
Arma e tipit “shut-gun” e cila qëllon me fishekë të armës së gjahut në momentin e përdorur nga efektivi ka nxjerrë zjarr nga gryka (pamjet e videos e tregojnë qartë).
Nuk dihet ende nëse prej atyre plumbave ka pasur të vrarë apo plagosur, por gjithsesi përdorimi i armëve të zjarrit është një tjetër provë se policia e mbushur me mercenar politikë, po e humbet durimin dhe mund të kemi përsëri gjakderdhje.
Më herët sot gjatë protestës policia ka dhunuar disa të rinj në Tiranë, teksa protestonin para Kryeministrisë.
Në pamje dallohet se si FNSH u hedh gaz lotsjellës në fytyrë me sasi të madhe dhe i qëllon me shkop gome protestuesit.
Njëri prej tyre dallohet i gjakosur në duart e policisë. Uniformat blu nuk e kanë menaxhuar dot situatën dhe kanë qëlluar qytetarët.
Polici e ka qëlluar dy herë pas koke njërin prej protestuesve.
View this post on Instagram
/GazetaReforma.com/
