Një ngjarje e rëndë ka ndodhur ditën e djeshme në fshatin Limjan të Njësia Kastriot të Dibrës. Rrugët e bllokuara si pasojë e motit të keq kanë bërë që një e moshuar të humbasë jetën teksa po transportohej në spitalin rajonal të Dibrës. Makina është bllokuar gjatë rrugës, ndërsa të rinj nga fshati kanë ndërhyrë për të hapur rrugën me lopata në mënyrë që të mundësonin lëvizjen e mjetit për në Peshkopi.
Fatkeqësisht e moshuara nuk ka mundur të përballojë dot të ftohtin dhe ka ndërruar jetë pa mbërritur në spital. Rasti është edhe më skandaloz duke ditur se fshati Limjan ndodhet vetëm 11 kilometra larg qytetit të Peshkopisë.
Ndërkohë që njerëzit humbasin jetën, ministrja përgjegjëse për situatën, Belinda Balluku jep shfaqje duke hipur në borëpastruese për t’i bindur të gjithë se është duke punuar. Ndërkohë qytetarët janë lënë në mëshirë të fatit dhe të bllokuar ng ai ftohti dhe reshjet e borës pa ushqim dhe shpesh pa transport. Askush nuk e ka marrë mundimin as të hedh kripë për të pastruar rrugët në mënyrë që të lehtësohet qarkullimi. E vetmja punë që ministrja Balluku ka bërë, është të shkojë nëpër rrugët e bllokuara dhe të inskenojë situqata shpëtimi hipur mbi borëpastruese. Pas këtij rasti të rëndë dikush do duhet të mbajë përgjegjësi dhe të reagojë para se ndodhë tragjedia e radhës.
