Vlora është përballur sot me reshje të fuqishme shiu, teksa raportohet se situata në qytetin bregdetar paraqitet e vështirë. Në pamjet e siguruara, dallohet se si uji ka vërshuar në rrugët e qytetit dhe ka arritur të depërtojë brenda bizneseve dhe shtëpive, ndërsa qytetarët kanë mjaft vështirësi në lëvizje.
Përveç tyre edhe rrugët kryesore janë mbuluar nga uji, duke vështirësuar kështu qarkullimin jo vetëm të këmbësorëve, por edhe të automjeteve.
