Verën e ardhshme sipas të gjitha gjasave “Rruga e Arbrit” do të jetë e hapur dhe do të funksionojë duke bërë realitet ëndrrën e të gjithë dibranëve.
Kështu parashikohet, të paktën sipas premtimeve të bëra nga kryeministri Edi Rama, i cili këtë mëngjes e ka nisur me një video nga Rruga e Arbrit.
Në një postim në rrjetet sociale, Rama shkruan se, verën e ardhshme rruga do të jetë e hapur dhe do t’ju bëhet realitet ëndrra të gjithë dibranëve, si dhe do zbulojë për tiranasit hapësirat magjike që shtrihen deri në Dibër.
Me këtë video, Rama i uron të gjithë ndjekësve të tij javë të mbarë.
Ja postimi i kryeministrit Rama në Facebook:
‘MIRËMËNGJES. dhe me këtë xhiro nëpër shtratin e hapur të Rrugës së Arbërit, që në verën e ardhshme do të jetë një ëndërr shumëvjeçare e realizuar për dibranët, e do të zbulojë për tiranasit hapësirat magjike të jastëkut të gjelbër të kryeqytetit që shtrihet deri pranë Dibrës, ju uroj një javë të mbarë’,– shkruan Rama.
/GazetaReforma.com/
