Një muaj më parë bëri bujë dërgimi i një ekipi mjekësor nga vendi ynë në Lombardi, vendi më i prekur në Itali, e disa ditë më vonë u dërgua grupi i dytë me 60 infermierë.
Mbrëmjen e sotme ekipi prej 30 mjekësh dhe infermierësh i dërguar fillimisht ka mbërritur në Tiranë, pasi e kryen me sukses misionin e tyre.
Ata u pritën në aeroportin Rinasit nga ministrja e Shëndetësisë, Ogerta Manastirliu, që i falënderoi ata për punën dhe angazhimin në Lombardi dhe e quajti punën e tyre të lavdërueshme.
“Përballja juaj në spitalet e Brescias ishte e vështirë. Keni bërë një punë të lavdërueshme. Keni lënë mbresa tek stafi dhe tek pacientët. Jam e lumtur që ju keni gdhendur nëpërmjet eksperiencës suaj një faqe të ri të historisë midis popullit italian dhe shqiptar. jam krenare për të gjithë ju dhe e dinë që eksperienca që keni marrë do të jetë një ekperiencë e re në sistemin tonë shëndetësor. Ju keni treguar vlera të njëjta me kolegët tuaj në Evropë. Ju keni treguar se keni ditur edhe të mbroheni dhe rezultatet e testit të djeshëm dhe askush nga ju nuk është prekur nga Covid-19. E di që jeni relaksuar në një moment të caktuar. Ata që dinë të fitojnë dijnë edhe të gëzojnë. Takimet e përzemërta duhet t’i lëmë në ditët pas lufte. Ne jemi këtu dhe të bashkuar për të vazhduar luftën këtu. Ka shumë nevojë për ju dhe ekëperiencën tuaj. Ju jeni, edhe në emër të kryeministrit, jeni heronj të denjtë të Shqipërisë”.
Ky episod nuk ka kaluar pa u përmendur nga Manastriliu:
Manastirliu: E di që keni patur edhe jeni relaksuar në një moment të caktuar, por kjo është histori e kaluar….
Mjeku: Ata që dinë të fitojnë, dinë edhe të gëzojnë..
Manastirliu: Ekzakt, ata që dinë të fitojnë, dinë edhe të gëzojnë….
Videoja është shpërndarë nga kryeministri Edi Rama që shkruan:
“Rikthehet shëndosh e mirë ekipi i parë i mjekëve dhe infermierëve shqiptarë që shërbyen në ndihmë të Italisë mike🙏🏼”.
https://www.facebook.com/edirama.al/videos/1197142057291511/
