Mbrëmjen e djeshme, u bë virale një video e filmuar në Tiranë ku shihej se si një person po keqtrajtonte një mace.
Pasi shkelmon disa herë macen në rrugët e frymëmarrjes, burri është siguruar që macja ka ngordhur dhe e fut në qesen e zezë të plehrave. Në ngjarje të tilla, në bazë të nenit 283 të Kodit të Procedures Penale çdo person që ka marrë dijeni për një vepër penale duhet ta kallëzojë atë dhe ky person të dënohet me ligj.
Ndërkohë ditën e sotme Vlash Marku, 58 vjeç, banues në Prush, Vaqarr është shpallur në kërkim.
Në njoftimin zyrtar bëhet me dijet se Marku është një person me precedent penalë. Ai rezulton të jetë dënuar më parë për vrasje, ndërsa aktualisht kërkohet për veprën penale “Keqtrajtimi i kafshës”. Në lidhje me gruan që priste me një qese të zezë në dorë për të zhdukur trupin e maces, nuk është marrë asnjë masë.
Në lidhje me një video të postuar në portale, për keqtrajtimin e një kafshe, ju sqarojmë se: Shërbimet e Komisariatit të Policisë Nr. 6, menjëherë pas publikimit të pamjeve filmike, organizuan punën për identifikimin dhe vënien para përgjegjësisë ligjore të autorit të dyshuar. Falë bashkëpunimit me qytetarët, specialistët për Hetimin e Krimeve në Komisariatin e Policisë Nr. 6 bënë identifikimin dhe shpalljen në kërkim për veprën penale “Keqtrajtimi i kafshës”, të shtetasit:
– V. M., 58 vjeç, banues në fshatin Prush, i dënuar më parë për vrasje.
Drejtoria Vendore e Policisë Tiranë falënderon mediat dhe qytetarët që denoncojnë rastet e paligjshmërisë dhe i fton sërish ata që të denoncojnë çdo rast paligjshmërie në Komisariatin Dixhital dhe në numrin 112, duke iu garantuar anonimat të plotë dhe reagim të menjëhershëm e të paanshëm.
Një ditë më parë, Marku u shfaq në një video në të cilën shihej teksa godiste me këmbë në fyt një mace deri në momentin që kafsha e gjorë jep shpirt. Pranë tij ndodhej një grua që pret me një qese në dorë për të marrë trupin e katërputroshes dhe për ta zhdukur. Ngjarja raportohet të ketë ndodhur në ‘Rrugën e Kavajës’.
Video e rëndë:
