Një video që sot është bërë virale në rrjet dhe që i përket protestës së djeshme në Tiranë tregon edhe një herë qartë dhe pastër, me zë dhe figurë, egërsinë e policisë politike të kryeministrit Edi Rama, që nuk kursen as kolegët e saj.
Videoja tregon qartë se si policia që Edi Rama i etiketoi si paqësore dhe jo të dhunshme, jo vetëm që ka masakruar të rinjtë që dolën në protesta, por nuk ka kursyer as kolegët e saj civilë dhe të infiltruar në turmë.
Në një video që po shpërndahet në rrjet, duken policët e forcave speciale me veshje anti-turmë që sulmojnë disa të rinj dhe njëri prej tyre ndahet nga turma dhe në mes të rrahjes me shkopinj gome i drejtohet dhunuesit:
“Jemi kolegë o bush…”
Ngjarja u regjistrua dje në zonën pranë Bankës së Shqipërisë, ku grupime protestuesish ndezën kazanët e mbeturinave dhe bllokuan rrugën kryesore duke u konfrontuar me policinë që ndërhyri për t’i shpërndarë.
/GazetaReforma.com/
