Janë publikuar pamjet e shoqërimit nga Policia e ish-deputetit socialist, Eduard Ndocaj. Ai kishte shkuar pa ftuar në aktivitetin për përurimin e shtëpisë muze të Gjergj Fishtës, dhe u shoqërua nga Policia në komisariat.
Nga vendi i aktivitetit, Ndocaj e ka filmuar të gjithë skenën me telefonin e tij. Aty duket debati me punonjës të gardës dhe policisë.
Ndocaj: Mos prek me duar se jam i operuar. Ka dhënë urdhër kryeministri që deputeti që e ka vënë në pushtet të mos jetë i pranishëm, ka vendosur forcat speciale. Ndodh dhe kjo, urdhër nga lart, nga kryeministri që Ndocaj të mos jetë pjesë e ceremonisë. Këto zotërinj po bëjnë detyrën se kanë dhënë urdhër. Ky është eveniment i Fishës, pse s’e lanë Eduart Ndocajn të futet hë kryetar? jam pa ftesë unë, kush tha?
Polici: Kush është pa ftesë ju lutem të largohet, se jemi dhe në kohë pandemie?
Ndocaj: Jam pa ftesë unë? këtu jemi në një vend të lirë. Sekretari i përgjithshëm i demokristiane dhe qytetar i lirë. S’ke të drejtë që të më thuash të largohet
Polici: Të lutem largohu se përndryshe do jemi të detyruar që të të marrim forcërisht
Ndocaj: Pa ardh dikush stafi i kryeministrisë që të më thotë largohu, nuk iki. Kam ardhur para 4 ditësh nga Italia ku jam operuar dhe ti s’ke të drejtë të më thuash që do të të marr forcërisht.
/GazetaReforma.com/
