Athina është përfshirë nga tensione të mëdha këtë mëngjes për shkak të vendimit nga Gjykata e Apelit për të shpallur tashmë “Agimin e Artë”, si organizatë kriminale.
Dhjetëra dënime, mes tyre 16 për vrasje, u dhanë sot, teksa në gjyq ishte e pranishme dhe Magda Fyssa, nëna e këngëtarit dhe reperit Pavlos Fyssa, që u vra më parë nga anëtarë të organizatës dhe ishte prova kryesore dhe më e qartë për Gjykatën.
Pas vendimit, ajo ka dalë me sytë me lot duke theksuar me zë të lartë: “Pavlos e bëri atë … Djali im. Kam pasur të drejtë, kam humbur një fëmijë, por kam fituar të gjithë fëmijët e botës. Paul është gjallë, shtypi nazistët”.
Ndërkohë që ekstremistët e djathtë nuk kanë qëndruar duarkryq, por në disa lagje që i kontrollojnë në kryeqytet, kanë hedhur molotov ndaj policisë greke, si dhe kanë shkaktuar trazira. Po ashtu edhe para Gjykatës u hodhën molotovë.
Ndërkohë protesta më masive ishte ajo e sindikatave, organizatave për të drejtat e njeriut, Partisë Komuniste dhe “SYRIZA”, të cilat kërkonin drejtësi për të gjitha krimet që “Agimi i Artë” ka kryer.
Thuajse të gjithë drejtuesit e “Agimit të Artë” morën dënime për shkak se, drejtonin këtë organizatë që tashmë konsiderohet kriminale, nga 5.5- 15 vite burg.
/Burimi: ProtoTema/ Përshtati: GazetaReforma.com/
