Biznesit të makinave me qira Auto Hoxha të një biznesmeni në Kamëz i është vënë flaka në orët e para të mëngjesit të sotëm. Ka qenë vetë ky i fundit i cili ka dërguar pamjet për JOQ duke deklaruar se zjarrvënia ka qenë e qëllimshme.
Sipas tij në pamjet e kamerave të bizneseve të zonës, është pikasur momenti kur autori i ka vënë flakën 6 automjeteve të parkuara që jepeshin me qira. Dëmi konsiderohet i madh, teksa në listën e mjeteve të shkrumbuara bëjnë pjesë: Golf 6, Golf 5, Audi A6, dy KIA dhe një Mercedes S-Class.
Zjarrvënia ka ndodhur rreth orës 05:07 të mëngjesit të sotëm teksa flakët e zjarrit janë përhapur në zonë dhe është kërkuar ndërhyrja e forcave zjarrfikëse.
NJOFTIMI I POLICISË:
Më datë 05.06.2024, rreth orës 04:00, në rrugën “Donald Trump”, Kamëz, ka rënë zjarr dhe janë djegur disa automjete, në një biznes për dhënien e automjeteve me qira.
Grupi hetimor po punon për sqarimin e rrethanave të ngjarjes.
View this post on Instagram
