Ngarkesa me hashash e kapur mbrëmjen e kaluar në ishullin e Korfuzit në Greqi është transportuar me motora uji nga Ksamili. 323 kg hashash janë kapur si përfundim teksa pritësi që do të merrte ngarkesën u arrestua.
Dyshohet se droga erdhi nga Ksamili, siç thotë Policia greke me dy motora uji uji të cilat u larguan më pas dhe nuk u kapën dot.
Deri më tani është arrestuar 62-vjeçari në fjalë i cili banonte në Korfuz, teksa ka dyshime të forta se droga erdhi pikërisht nga brigjet shqiptare.
Policia greke ka sekuestruar 1.5 ton kanabis që nga fillimi i vitit. Dy vitet e mëparshme, ata kapën gati nëntë ton. Kontrabandistët, zakonisht të armatosur me kallashnikov, mbajnë në shpinë çantat e mbushura me 40-50 kg kanabis. Ata fshehin çantat afër pikave të caktuara, në pemë ose në shatërvan, dhe çantat më pas merren nga anëtarët e një rrjeti grek. Një kilogram kanabis mund të arrijë deri në 1,000 € (900 £) me shumicë në Shqipëri, por konsumuesit e drogës në Itali ose Greqi do të paguajnë dyfish.
Deri në vitin 2016, kultivimi i kanabisit në Shqipëri ishte përhapur në të gjithë vendin, sipas Nismës Globale Kundër Krimit të Organizuar Transnacional. Ballkani tashmë ndodhet në një nga rrugët më të vendosura të trafikut të drogës në botë.
Një muaj më parë, BBC ka publikuar një reportazh për trafikun e kanabisit nga Shqipëria në Greqi dhe në drejtim të shteteve europiane.
https://streamable.com/g1pru3
/Gazetareforma.com/
