Policia bëri dy arrestime, pasi presidenti francez, Emanuel Macron, u godit me shuplakë në fytyrë nga një djalë në turmë, në rajonin Drome të Francës. Një video e publikuar nga mediat franceze, tregoi një burrë me bluzë jeshile, të veshur me syze dhe një maskë fytyre, duke bërtitur “Poshtë Macronizmi”, përpara se ta godiste Macron me shuplakë në fytyrë.
Macron ishte parë duke ecur drejt një turme dashamirësish e më pas zgjati dorën për të përshëndetur individin, i cili e goditi. Gjatë incidentit, djali, identiteti dhe motivet e të cilit ishin fillimisht të paqarta, dëgjohej duke bërtitur “Montjoie Saint Denis”, një thirrje beteje e ushtrisë franceze që kur vendi ishte ende monarki.
Një rrethim i sigurisë presidenciale ndërhyri shpejt për të tërhequr protestuesin në tokë dhe për ta larguar Macron larg zonës së rrezikut. “Njeriu që u përpoq të godiste me shpullë presidentin dhe një individ tjetër, aktualisht po merren në pyetje nga policia”, tha një deklaratë nga prefektura rajonale.
Incidenti ndodhi ndërsa Macron vizitoi rajonin juglindor për t’u takuar me studentë, për të folur se si jeta po kthehet në normalitet, pas lehtësimit të masave anti-COVID në vend. Kryeministri francez, Jean Castex, dënoi incidentin si një fyerje ndaj demokracisë.
