Ministri i Brendshëm Sandër Lleshaj dhe Drejtori i Përgjithshëm i Policisë së Shtetit Ardi Veliu kanë qenë në Shkodër ditën e sotme për një mbledhje në lidhje me krimet e shumta që janë shënuar së fundmi në këtë qytet, përfshirë këtu vrasjen e dyfishtë tipike mafioze të vëllezërve Bilali ditën e shtunë.
Pasi ka përfunduar mbledhja, dy zyrtarët kanë pasur një përplasje me kryetaren e Bashkisë Shkodër, Volata Ademi, e cila u bëri atyre një vërejtje, duke u thënë se ngjarjet duhej të ishin parandaluar, pasi janë goditur edhe qytetarë të pafajshëm.
“Ne duhet ta parandalonim ngjarjen. Në këtë histori ka pasur edhe njerëz të pafajshëm që kanë ngrënë plumb. Që do të thotë …”-është shprehur Ademi, por ende pa e mbaruar fjalën, ajo ka hasur shpinën e ministrit Lleshaj i cili është larguar nga salla.
Kryebashkiakja ka vijuar debatin me drejtorin e Policisë i cili me nënqeshje i është përgjigjur se ai vetë nuk ishte politikan dhe gjithashtu është larguar vetëm pak sekonda më pas duke i lënë përgjysmë fjalën e Ademit. Ndiqni videon.
