Procesi i numërimit të votave është shoqëruar vazhdimisht me parregullsi ditën e sotme, teksa ka pasur edhe kontestime të ndryshme. Kandidati i pavarur në Gjirokastër, Kreshnik Merxhani ka publikuar një video ku denoncon se si votat bëhen të pavlefshme duke shënuar në to edhe një tjetër “X” veç atij që ka shënuar votuesi në fletë. Merxhani shkruan se ngjarja ka ndodhur në Pallatin e Kulturës në Tepelenë dhe se Lëvizja Vetëvendosje në Shqipëri merr angazhimin që ta ndejk çështjen penalisht.
Postimi i Merxhanit:
DENONCIM
TJETËRSIM I VULLNETIT TË QYTETARËVE NGA NUMËRUESIT PARTIAK.
Mbi 1000 vota të pavlefshme në qarkun Gjirokastër, nuk janë rastësisht.
Në video duket qartësisht se si ky mekanizëm 30-të vjeçar minon demokracinë dhe tjetërson vullnetin e votuesve.
Në qytetin e Tepelenës, në Pallatin e Kulturës Tepelenë, saktësisht KZAZ Nr.79, në orën 06:51, datë 26.04.2021, konstatuam se numëruesit pa u penguar nga askush dhe haptazi, pasi shumica e vëzhguesve lanë qendrën e numërimit pasi ju komunikua se u mbyll procesi, një tjetër proces nisi paralelisht ai i falsifikimit të fletëve të votimit.
Vëzhguesit tanë, filmuan dhe dokumentuan atë proces që kolegët në Tiranë e kanë deklaruar publikisht. Njësojë si kanë vepruar në Tiranë, dhe në qarkun Gjirokastër fenomeni është i njëjtë.
Kjo është një nga mënyrat se si po e vjedhin dhe/ose deformojnë votën tonë në këto zgjedhje.
Aty ku qytetari ka vendosur një “X” poshtë nr. 13 në fletën e votimit pranë emrit tim, te i njëjti fletëvotim kanë vendosur edhe një “X” tjetër te një prej subjekteve apo kandidatëve të çfarëdo force tjetër, duke e shpallur të pavlefshme fletën e votimit ose duke e deklaruar ndryshe.
Ne marim angazhimin ta ndjekim çështjen penalisht!
https://www.facebook.com/kreshnik.merxhani/videos/10158902824058267/
