POGRADEC
Pamje të reja kanë dalë nga sulmi i ndodhur më datë 8 gusht në një hotel në Tushemisht të Pogradecit.
Siç shikohet edhe nga pamjet, një nga autorët lëviz në parking me kallashnikov në dorë dhe qëllon me plumba në drejtim të automjeteve.
Më pas ai ka hapur zjarr në drejtim të mjeteve luksoze të parkuara dhe në drejtim të godinës së hotelit. Pas breshërisë së plumbave, ai largohet me shpejtësi nga vendngjarja. Ai ka shtënë 50 plumba gjithsej.
Hoteli në fjalë është sulmuar shpesh herë, duke u shndërruar në një vend atentatesh. Gjatë javës së parë muajit gusht, në këtë hotel ndodhën 2 atentate me armë zjarri.
Atentati i fundit ishte edhe më i rëndi. Nga të shtënat me armë zjarri të autorëve, janë dëmtuar 6 makina luksoze. Atentatit i ka shpëtuar djali i pronarit të hotelit, që po flinte në dhomën e tij. Pikërisht, dhoma e gjumit të djalit të pronarit u kthye në objekt për atentatorët, duke qëlluar në të.
Policia për këtë ngjarje ka arrestuar Ilir Berberin, Ilir Meçollin, Ardian Xhutin, Elvir Haxhinë dhe Mariglen Topuzin. “Kreu” i grupit mësohet se ishte Ilir Berberi, person me precedentë të mëparshëm kriminalë.
