Kanë dalë pamjet nga aksidenti i rëndë i ndodhur mëngjesin e kësaj të diele në Kroaci, ku një autobus me targa kosovare doli nga autostrada dhe fatkeqësisht mbetën të vdekur 10 persona.
Siç duket në videon e mëposhtme, autobusi me 60 persona brenda është kthyer përmbys në cep të autostradës, ndërsa në vendin e ngjarjes ndodhen forca të shumta policie dhe ambulanca. Deri më tani, janë raportuar 10 viktima, në një aksident që mund të konsiderohet tragjik.
Pas aksidentit, ka pasur reagim edhe nga qeveria kroate. Kryeministri i Kroacisë, Andrej Plenkovic, ka reaguar me anë të një postimi në Twitter pas aksidentit të ndodhur.
“Me trishtim të madh morëm lajmin për aksidentin e një autobusi në rrugën afër Slavonski Brod, ku humbën jetën 10 persona. Ne jemi me familjet e viktimave dhe autoritetet e Kosovës, të cilëve u shprehim ngushëllimet tona më të thella. Shpresoj që pasagjerët e lënduar të shërohen.
Për aksidentin e tmerrshëm, unë fola me Ministrin e Brendshëm, Davor Bozinovic dhe Ministrin e Shëndetësisë, Vilija Beros. Ministri Beroš dhe drejtori i mbrojtjes civile Trut u drejtuan për në Slavonski Brod për t’u njohur me të gjitha rrethanat e aksidentit dhe për t’u ofruar kujdes shëndetësor pasagjerëve të plagosur”, shkroi kryeministri i Kroacisë.
