Sot kandidati demokrat Joe Biden, është shumë afër që të zgjidhet president i 46-të i SHBA-ve, por gjithmonë ne shqiptarët i bëjmë llogaritë se cili nga ata është më afër me Shqipërinë.
Por fitorja e Biden po mirëpritet shumë sidomos në Kosovës, marrë parasysh kontributin e hershëm të tij për çlirimin e Kosovës.
Biden ka qenë një nga mbështetësit e hershëm të Kosovës në Senatin Amerikan. Ai ka qenë mbështetës i kauzës së vendit tonë për liri dhe një kundërshtar i madh i Serbisë dhe agresionit të saj në vendet e ish-Jugosllavisë, shkruan Reporteri.
Biden ka mbështetur fuqimisht ndërhyrjen ushtarake të NATO-s, në Kosovë, si dhe është shprehur në favor të pavarësisë së Kosovës, përpara se këto dy zhvillime të bëheshin realitet.
Në vitin 1998, gjatë një debati në senatin amerikan, Biden kishte mbajtur një fjalim për konfliktin Kosovës–Serbi.
Aty, ai ka deklaruar se ka sugjeruar që Beogradi të bombardohet nga forcat e aleancës.
Nuk dimë të themi nëse këto deklarata janë apo jo në favor të kauzave shqiptare (?), por ishin pikërisht bombardimet e NATO-s të drejtuara nga SHBA-të dhe lufta heroike e UÇK-së, ato që çmontuan makinerinë ushtarake të Milosheviçit dhe sollën pavarësinë e Kosovës.
https://www.youtube.com/watch?v=dwAkj5Lzq4c&feature=emb_logo
/GazetaReforma.com/
