Kreu i PD-së Lulzim Basha ka përsëritur qëndrimin e tij për vettingun në politikë.
Basha shkruan mëngjesin e sotëm në “Twitter” se Shqipëria ka nevojë për vetting në politikë që të mos jemi të parët në Europë për përhapjen e korrupsionit në të gjitha nivelet.
Ai thekson më tej se rrëzimi i murit të korrupsionit do t’i hapë vendit rrugën drejt BE-së.
“Që të mos jemi të parët në Europë për përhapjen e korrupsionit në të gjitha nivelet e qeverisjes dhe të dytët në botë për ryshfetin, Shqipëria ka nevojë për vetting në politikë. Rrëzimi i murit të korrupsionit, si pengesa që varfëron familjet shqiptare, cenon rendin & sigurinë dhe vret demokracinë, do çlirojë potencialin e jashtëzakonshëm të Shqipërisë dhe do të hapë rrugën drejt BE-së. #vettingnëpolitikë”, shkruan Basha.
Kujtojmë që për vettingu në politikë është një amendament i propozuar nga partia e tij dhe i mbështetur nga qeveria.
“Qëllimi është bërë për të bëre vettingun e politikanëve brenda apo jashtë Shqipërisë, është një qëllim legjitim dhe respektojnë kërkesën për proporcionalitet. Këtë proces duhet ta kryejë një njësi e posaçme e SPAK, për të marrë përsipër verifikimin një për një çdo deputeti, ministri, kryeministri, kreut të shtetit, dhe çdo politikani për pasuritë e tyre dhe të familjarëve të tyre”, është shprehur kreu i Partisë Demokratike Lulëzim basha më 18 tetor, ditën kur zbardhi tre amendamentet e PD
