Një tjetër figurë e gjyqësorit është shkarkuar nga detyra për shkak të mungesës së dy komponentëve shumë të rëndësishëm, pasurisë dhe figurës.
Bëhet fjalë për Edison Ademi, prokurorin e Sarandës, i cili është rrëzuar nga Vetting-u për shkak se nuk protësonte kushtet e duhura për të vazhduar e për të ushtruar profesionin.
Mirëpo si rallëherë, Ademi iu është kthyer gjykatësve të KPK duke i kërcënuar me fjalët: Mbaje mend po nuk të futa në burg!
Me këto fjalë i është drejtuar trupës që dha vendimin, e cila përbëhet nga tre gjykatësit: Firdes Shuli, Lulzim Hamitaj dhe Genta Tafa Bungo.
Nuk dihet se cila mund të jetë arsyeja e këtij reagimi duke qenë se dihet që KPK e merr vendimin duke u bazuar në fakte, megjithatë jemi në pritje të masave që mund të marrë prokurori.
Por kush është Edison Ademi?
Ademi e ka filluar karrierën në vitin 1998 si oficer i Policisë Gjyqësore në Prokurorinë e Vlorës. Ai është emëruar prokuror me datë 5 korrik 2004 në Prokurorinë e Rrethit Gjyqësor Vlorë. Në vitin 2015 ai është promovuar si drejtues i Prokurorisë së Rrethit Gjyqësor Sarandë.
