Kreu i Gjykatës së Tropojës është shkarkuar nga detyra nga Komisioni i Pavarur i Kualifikimit.
Procesi i vetting-ut për Secin u krye nga trupa gjykuese e përbërë nga Roland Ilia, Valbona Sanxhaktari dhe Olsi Komici.
Në seancën dëgjimore, sipas ILDKPKI gjyqtari Seci kishte kryer deklarim jo të saktë, nuk kishte burime të ligjshme dhe se kishte fshehje të pasurisë.
Nga hetimet rezultoi se kishte proleme për blerjen e një apartamenti në vitin 2012 në Bajram Curri dhe mungesë burimesh të ligjshme.
Për blerjen e një lokali shërbimesh, sërish në qytetin e Bajram Currit si dhe të një apartamenti në Yzberisht të Tiranës.
Nga hetimi administrativ janë ngritur dyshime mbi aktivitetin e bashkëshortes së Secit si farmaciste dhe të ardhurat e përfituara nga ky biznes vit pas viti, të cilat janë deklaruar disa herë më ulët sesa raportimi i bërë në zyrën e Tatimeve të Kukësit.
