Një ngjarje e rëndë ka ndodhur paraditen e së mërkurës në Tiranë, ku një punonjës policie i burgjeve dyshohet se ka vrarë veten me armë zjarri në banesën e tij.
Ngjarja ka ndodhur në rrugën “Shefqet Musarai” rreth orës 11:00. Sipas njoftimit të policisë, viktima është shtetasi G. A., 48 vjeç, i cili është vetëvrarë me një pistoletë.
Ende nuk dihen motivet që e kanë çuar drejt këtij akti, ndërsa autoritetet po vijojnë hetimet për zbardhjen e plotë të rrethanave të ngjarjes.
