Mjekëve u është dhënë urdhër që të mos flasin për mediat pas gatishmërisë që vetë mjekët dhe infermierët treguan për të folur në lidhje me vetëvrasjet që ndodhën në spitalin Shefqet Ndroqi.
Në lidhje me këtë urdhër ka reaguar edhe Shoqata e infermierëve të Shqipërisë përmes një reagimi në rrjetet sociale. Në reagim thuhet se asnjë specialist që ka kontakt të afërt me sëmundjen dhe pacientët, nuk del të flasë më për situatën në vend, por vetëm personat e komitetit të caktuar nga Ministria, vetëm ISHP, apo vetëm 2-3 individë që s’kanë lidhje me specialitetin e sëmundjeve infektive.
Gjithashtu, Shoqata e Infermierëve ngre edhe disa dyshime se nuk po deklarohet vërtet numri i viktimave apo arsyet e vdekjeve në spitale dhe se nuk ka mjaftueshëm staf.
Më tej në reagim thuhet se vetëm kur tu jepet përgjigje këtyre pyetjeve duhet drejtuar gishti ndaj personelit, pasi sipas tyre presioni nuk zgjidh asgjë vetëm sa fut më shumë në depresion stafin që shërben.
Reagimi i plotë
Nuk zgjidhen gjerat me presion…Pas deklarates se bere diten e djeshme dhe kerkeses qe infermieret dhe mjeket qe punojne ne dy spitalet covid vjen presioni ne drejtim te Shoqates dhe shume mjekeve dhe Infermiereve qe ishin te gatshem te flisnin per kete situate. Lind pyetja pse prej kohesh ju eshte dhene urdher mjekeve dhe Infermiereve qe punojne ne keto spitale te mos japin me intervista per mediat??? Pse asnje specialist nuk del te flas me per situaten ne vend por vetem personat e komitetit te caktuar nga Ministria,vetem ISHP apo vetem 2-3 idivid qe skane lidhje me specialitetin e semundjeve infektive??? Sa te verteta jane shifrat per te shtruarit ne Spitale apo mos valle shifrat jane shume here me shume se deklarohen??? Sa eshte numri i mjekeve dhe infermiereve qe punojne ne keto spitale??? Kush eshte protokolli qe ndiqet per mjekimin dhe trajtimin e ketyre te semureve dhe pse akoma nuk ka nje deklarim publik per trajtimin e ketyre te semureve??? Pse nuk deklarohen shkaqet e vdekjeve te pacienteve qe kane nderruar jete deri tani??? Sa i trajnuar dhe sa i sigurte eshte personeli qe sherben ndaj ketyre pacienteve??? Sa eshte numri i mjekeve dhe Infermiereve te prekur nga covid 19 dhe si jane trajtuar ky staf qe u sherben pacienteve??? A ka vendi yne personel mjaftueshem per perballimin e situates dhe a ka kapacitete mjaftueshem per te semuret qe shtrohen ne spitale??? Kur ti jepni pergjigje ketyre pyetjeve atehere drejtojeni gishtin ndaj personelit. Sepse presioni nuk zgjidh asgje vetem sa fut me shume ne depresion stafin qe sherben!!!!!”.
Në lidhje me vetëvrasjes, Infermierët u shprehën se kjo gjë mund të ndodhë edhe me personelin mjekësor.
