Një grup miliarderësh, miqtë e Donald Trump, organizuan një fushatë për të ndihmuar ish-presidentin amerikan të mblidhte një shumë prej rreth 500 milionë dollarësh, ndërsa ai përballet me një gjykim potencialisht shkatërrues kundër kompanive të tij, sipas raportit të Reuters.
Ky fond do të ndihmonte Trumpin për të shlyer një gjobë prej 454 milionë dollarësh, e cila i është vendosur nga gjyqtari i Nju Jorkut, Arthur Engoron, muajin e kaluar. Edhe pse Trump po apelon vendimin, ai duhet të mblidhë këtë shumë si kolateral, plus një shtesë prej rreth 20%, ose të rrezikojë sekuestrimin e llogarive bankare.
John Paulson, themeluesi i një fondi mbrojtës, dhe Harold Hamm, një menaxher i energjisë, ishin pjesë e përpjekjes për të mbledhur fondet. Një donator tjetër i paidentifikuar ofroi 10 milionë dollarë për këtë fushatë, sipas një burimi.
