Ditën e sotme Komisioni i Rithemelimit ka reaguar sa i takon vendosjes së kamerave të sigurisë në ambientet e jashtme të Selisë blu, duke i thënë kreut të PD-së Lulzim Basha se kryetar nuk të bën vula, brava apo kamerat e sigurisë por vullneti i 44 mijë demokratëve.
Komisioni i Rithemelimit deklaroi se frika për t’u përballur me firmat e 44 mijë anëtarëve e shtyn Bashën çdo ditë e më shumë drejt absurditetit.
Ndër të tjera, Komisioni i Rithemelimit theksoi se Basha e ka shndërruar PD-në nga shtëpia e lirisë në bunker të sigurisë së lartë, gjë e cila dëshmon se ai është me paranoja.
NJOFTIMI
Deklarate – Komisioni i Rithemelimit te PD
Deputeti Basha, pas karriges, dita-dites po humbet dhe arsyen! Frika nga perballja me vullnetin e 44 mije demokrateve qe votuan per shkarkimin e tij ne dt 18 Dhjetor e shtyn cdo dite ne absurditete te reja.
Shnderrimi i shtepise se lirise ne nje bunker te sigurise se larte eshte deshmi e vetmise dhe paranojes qe ka kapluar karrigethyerin qe ka humbur arsyen per te kuptuar se lider dhe kryetar nuk te ben as vula, as brava dhe as kamerat e sigurise, por vullneti i 44 mije demokrateve qe te dhane pergjigjen me te merituar ne date 18 dhjetor.
Partia Demokratike do t’u rikthehet shume shpejt demokrateve, pronareve te saj te vertete dhe eshte ne te interes te ish-qeraxhiut ta kuptoje se nuk ka kamera, brave apo gaz lotsjelles qe mund t’a ndale vullnetin e tyre!
