Pas vendimit të Këshillit Teknik të Ekspertëve për mbylljen e universiteteve vetëm tre ditë para nisjes së vitit të ri akademik, dhjetëra studentë (kryesisht të grupimeve partiake), janë grumbulluar paraditen e sotme para Ministrisë së Arsimit dhe kanë protestuar kundër zhvillimit të mësimit online.
Sakaq dje në rrjetet sociale studentët kanë lajmëruar që paraditen e sotme do të protestojnë para Ministrisë së Arsimit, në orën 10:00.
Bëhet me dije se studentët kanë kërkuar në ditën e parë të rifillimit të Universitetit, që mësimi të zhvillohet në auditore.
Ndërkohë gjatë qëndrimit para ministrisë së Arsimit, pranë tyre me megafon kanë shkuar disa efektivë të policisë të cilët kanë kërkuar që tubime të shpërndahet, pasi nuk lejohen tubimet në kohë pandemie.
Ndërkohë studentët pretendojnë se jo të gjithë kanë mundësi të sigurojnë pajisje teknologjike për zhvillimin e mësimit online.
Kujtojmë se, në bazë të një propozimi të fundit të Komitetit Teknik të Ekspertëve për Covid-19, Universitetet do të mbyllen për një muaj dhe mësimi do jetë vetëm online./GazetaReforma.com/
