Nuk ka më kthim pas për fashën e energjisë, tashmë ajo është botuar në fletoren zyrtare. Këtë e bërri të ditur vetë ministrja e Energjise, Belinda Balluku.
Ndonëse Kryeministri ka njoftuar se vendimi nuk do të ishte i zbatueshëm për muajin tetor, ERE e bëri të qartë se kjo fashë vijon të jetë në fuqi dhe publikimi në Fletoren Zyrtare konfirmon aktin e Entit Rregullator të Energjisë. Publikimi në fletoren zyrtare mban datën 30 shtator 2022, ndërsa online u bë mesditën e sotme.
Por duket se ka një ‘sfidë’ të hapur midis ERE-s dhe qeverisë në lidhje me aplikimin e fashës tek konsumatorët shqiptarë.
Duke folur për këtë botim, Ministrja e Energjitikës, Belinda Balluku u shpreh se është në dorë të qeverisë nëse e aplikon apo jo çmimin e rritur të energjisë për fashën 800 kË. Sipas Ministres për të gjithë muajin tetor nuk do të ketë rritje çmimi për familjet që kalojnë 800kË në muaj.
“Duam ta sqarojmë por është pak komplekse. Fasha 800 kilovator, ERE shprehet për miratimin e çmimit. Ne i kemi bërë kërkesën ERE-s, dhe ERE ka thënë se çmimi miratohet ky është detyra e ERE. Por kur qeveria shikon se qytetarët reflektojnë por edhe për kushtet e motit përmirësohen. Nuk e aplikojmë fashën gjatë muajit tetor. ERE ka marrë vendimin e kësaj fashe. Por qeveria po mbron biznesin e vogël dhe familjet” u shpreh Balluku.
