Pas vendimit për shpëtimin e Dritan Dajtit nga burgu përjetë dhe dënimin e tij me 25 vite, janë ushtruar kontrolle blic në banesat e gjyqtarëve.
Kontrollet janë ushtruar nga forcat policore në banesat e tre gjyqtarëve që pranuan gjykimin e shkurtuar për Dajtin.
Aksioni policor po zhvillohet në 3 qytete të ndryshme, Lezhë, Tiranë dhe Sarandë, ku jetojnë gjyqtarët.
Njërit prej gjyqtarëve që shpëtoi Dritan Dajtin nga burgimi i përjetshëm i janë gjetur në shtëpinë që ka në Tiranë një shumë prej 20 000 eurosh. Gjyqtari Skënder Damini ka edhe një banesë tjetër në Vlorë.
Kujtojmë se Dritan Dajti akuzohet për vrasjen e katër efektivëve të policisë.
Pas vendimit për Dajtin, pati reagime të menjëhershme që nga Ministria e Drejtësisë, ambasadat, Presidenti i vendit, KLGJ, opozita dhe kryeministri, që deklaroi se nuk do t’i ndahet vendimit dhe do të bëhet gjithçka për ta zhbërë.
