Qeveria italiane, ka ashpërsuar masat mbrojtëse anti-covid, duke ndërmarrë edhe vendime të tjera në lidhje me mbajtjen e maskave të detyrueshme.
Sipas vendimit më të ri, italianët duhet ta mbajnë maskën në mënyrë të detyrueshme joo vetëm në ambientet e mbyllura, por edhe në rrugë dhe në shtëpitë e tyre në rast se vijnë për vizitë të afërm apo të njohur.
Edhe pse rastet me Covid-19 janë shumë më të ulëta në Itali sesa në shumë vende të tjera evropiane, vendi ka pasur një rritje të vazhdueshme të infeksioneve.
Kryeministri Giuseppe Conte është shprehur se duhen masa të ashpra për të parandaluar një tjetër skenar si ai i muajve të kaluar, kur sistemi shëndetësor italian si dhe ekonomia v3endase për pak arriti kolapsimin për shkak të ‘sulmit’ agresiv që bëri virusi Covid-19, i cili shkaktoi mijëra viktima.
“Nga tani e tutje, maskat dhe pajisjet mbrojtëse duhet të jenë me ne kur të dalim nga shtëpia jonë dhe të vishemi. Ne duhet t’i mbajmë ato gjatë gjithë kohës”, ka thënë kryeministri italian.
Maskat duhet të mbahen gjithashtu në dyqane, zyra, në transportin publik dhe në bare dhe restorante kur nuk ulen në tavolinë për të ngrënë. Masat janë vendosur tashmë në disa pjesë të Italisë që kanë parë një rritje të infeksioneve, të tilla si Roma, por njoftimi i fundit i bën ato të detyrueshme në të gjithë vendin.
Italianët iu nënshtruan disa prej masave më të rrepta të bllokimit në botë kur vendi u bë i pari në Europë që u godit nga koronavirusi në fillim të vitit, si dhe që kishte shifrën më të lartë të infektimeve dhe vdekshmërisë nga covid./GazetaReforma.com/
