Komiteti Teknik i Ekspertëve vendosi ditën e sotme që të gjithë personat mbi 60-vjeç të bëjnë dozën e tretë të vaksinës, duke filluar nga data 1 nëntor.
Lidhur me këtë ka folur edhe shefja e departamentit të Epidemiologjisë , Silva Bino. Ajo tha se ky vendim është mbështetur në të dhënat dhe studime të ndryshme.
“Duhet të jemi të kujdesshëm, pandemia s’ka mbaruar. Komiteti i ekspertëve për vaksinimin është një Komunitet që funksionon për të gjithë llojet e vaksinave. Ky vendim është mbështetur në të dhëna dhe studime të ndryshme që kanë treguar se efikasiteti i vaksinës fillon dhe zbehet pas 6 muajsh. Jo është arsyeja se përse ka vendosur për një dozë të tretë. Doza e tretë e vaksinës ka një rol shumë të rëndësishëm për vetë faktin se kjo parandalon ato që quhen infeksione tek personat e vaksinuar. Personi sa më shumë i mbrojtur të jetë aq më pak e transmeton virusin.”, ka thënë Silva Bino.
Ndër të tjera Bino thotë se doza e tretë është një hap që vlen jo vetëm për mbrojtjen por edhe për përhapjen e sëmundjes.
“Është një hap që vlen jo vetëm për mbrojtjen e jetës së njerëzve por edhe për hapjen e sëmundjes.
Në lidhje me vaksinimin e studentëve Bino u shpreh se jemi i vetmi i vend në botë që po i lusim që të bëjnë vaksinën, ndërsa shton se duhet të ndodhte e kundërta.
Silva Bino: Studentët duhet të luteshin për të bërë vaksinën dhe ne po iu lutemi studentëve për ta bërë vaksinën. Është shumë e rëndësishme që studentët ta bëjnë vaksinën, janë shtresa më e rëndësishme e shoqërisë. Ata janë njerëzit më aktivë, janë transmetues më të mëdhenj të infeksionit. Pra një sërë elementësh që ata duhet ta bëjnë vaksinën. Edhe në vende të tjera të botës ka detyrime sepse jemi në kohë pandemie.” ka thënë Silva Bino.
