Gjatë seancës së ditës së sotme në Parlamentin Shqiptar janë marrë disa vendime, ndër të cilat ka qenë edhe miratimi i aktit normative që i jep Komisionit Qendror të zgjedhjeve 2.42 miliardë lekë për identifikimin biometric të zgjedhësve në zgjedhjet e 25 prillit.
KQZ e kishte të pamundur të përballonte nga buxheti i saj teknologjinë e nevojshme, prandaj buxheti i shtetit bën shtimin me 2.42 miliardë Lekë, për të financuar projektin “Për identifikimin elektronik të zgjedhësit”.
Kryetari i Komisionit të Ekonomisë dhe Financave, si edhe ministrja e Financave dhe Ekonomisë, znj. Anila Denaj thanë se ky investim nuk ndikon në parametrat makro. Ata gjithashtu u shprehën se nuk do të ketë efekte në borxh apo në deficit dhe mbështetet mbi pritshmëritë optimale të vitit 2021, që do të realizohen nga të ardhurat e tatueshme. Akti normayiv u miratua me 83 vota pro, 13 kundër dhe 3 abstenime.
Si pikë e funditie rendit të ditës ishte edhe votimi për projektvendimin “Për zgjedhjen e kryetarit të Këshillit Drejtues të Radio Televizionit Shqiptar”. Kuvendi votoi që të zgjidhej kryetar i këshillit Leka Bungo i cilci arriti të zgjidhej me 77 vota pro, ndërsa në garë ka qenë edhe z. Gaspër Marku. Bungo është regjisor, aktor, dhe skenarist shqiptar, ndërkohë që disa vite më parë ai ka themeluar dhe një televizion privat lokal në qytetin e Fierit.
