Gjatë një proteste të organizuar përpara Ministrisë së Shëndetësisë, motra e vogëlushit të ndjerë, Leo Sadiku, ka mbajtur një fjalim prekës, duke akuzuar sistemin shëndetësor për humbjen e vëllait të saj.
Ajo e cilësoi gjendjen e mjekësisë shqiptare si të degraduar dhe u shpreh se nuk do të ndalet derisa të sigurohet drejtësi për vëllanë e saj.
Protesta u organizua nga qytetarë dhe familjarë që kërkojnë përgjegjësi për rastin.
Vëllai im ndërroi jetë, teksa disa mjekë nuk dinin të bënin punën. Mjekësia shqiptare më vrau vëllanë. Ata pa pikë mëshire vendosën ta vrisnin. QSUT nuk i bëri asnjë ekzaminim, ata dalin me pretendime të rreme. Ata nuk i kanë bërë një eko zemre, një skaner, një matje tensioni, si i bëjnë ato betime ata. Dhe sa fëmijë të tjerë do vriten si vëllai im?
Nuk do të ndalem derisa për vëllanë tim të gjej drejtësi. Ata e vranë Leon, nuk bënë asgjë. Mjekët nuk bënë asgjë. Si mund ta lësh një nënë pa bir, ku do të rritemi ne në këtë Shqipëri. I lënë fëmijët të vdesin, kjo është Shqipëria. Kur ky shtet do kujdeset për fëmijët?
