Detaje të reja janë zbuluar në lidhje me rrëmbimin dhe vrasjen e e Jak Prengës.
Sipas “Balkanweb”, të përfshirë në ngjarje janë tre grupe kriminale në Vlorë, Shijak dhe Shkodër.
Përveç arrestimit të pesë personave, policia ka shpallur në kërkim pesë të tjerë.
Njëri prej tyre, me iniciale D.R., ndodhet në burg jashtë Shqipërisë.
Policia aktualisht ka blinduar Shkodrën, ndërsa po punon për kapjen e tre personave të përfshirë në vrasje.
Mësohet se të tre grupet kriminale kishin interesa droge me njëri-tjetrin.
Vëllai i viktimës, i cili ndodhet në burg në Angli, duhet t’u dorëzonte 300 kg kokainë këtyre grupeve kriminale.
Policia ndërkohë po punon për gjetjen e trupit të Jak Prengës.
Të arrestuarit e deritanishëm kanë kyçur gojën dhe kanë thënë se do të flasin vetëm para togave të zeza, ndërsa insistojnë se nuk kanë gisht në krim.
