Policia e Velipojës ka ndërhyrë për të shpëtuar dy turiste kroate që rrezikonin të mbyteshin në det, pas një njoftimi nga një shtetas francez, B. D., i cili kërkoi ndihmë.
Ai raportoi se dy turiste, I. K. dhe I. Sh., po rrezikonin jetën pasi lundra e tyre ishte larguar nga bregu dhe po drejtohej në thellësi për shkak të dallgëve të forta.
Policia e Velipojës, në bashkëpunim me Postën Kufitare Velipojë dhe Policinë Malazeze, ndërhyri menjëherë.
Ata përdorën një helikopter dhe një mjet lundrues për të shpëtuar turistet dhe për t’i nxjerrë ato nga deti. Pas shpëtimit, dy turistet u transportuan për ndihmë mjekësore në Ulqin dhe janë jashtë rrezikut për jetën.
