Kryetari i Bashkisë ErionVeliaj ka akuzuar kryetarin e opozitës Lulzim Bashën si bashkëpunues me oligarkët.
Në një intervistë për News 24, ai u ndal te taksa progresive, të cilën PD e ka në dëm të varfërve. Nuk la pa përmendur dhe LSI dhe premtimet e tyre elektorale.
Më tej ai e vuri theksin tek Kavaja dhe Rrogozhina, të cilat i cilësoi edhe si basionet e Partisë Socialiste. Me shpresën se këto dy qytete do votojnë PS, ai vuri në dukje dhe punët e arritura deri më tani.
“Ne kemi pasur një lëvizje politike në Kavajë dhe në Rrogozhinë. Do fitojmë thellë në Kavajë dhe në Rrogozhinë. Do kemi shumicë absolute. Kryetari ii Kavajës po bën punë të shkëlqyer, është bashki model, edhe Vora e Kamza po punojnë fort. Do i bashkohen fitores sonë, padyshim. Ka mirëkuptim, besoj unë, kur punohet. Sfida jonë ka qenë dhe është me tërmetin e me pandeminë. Basha flet kundër oligarkëve dhe me taksat është pro oligarkëve”, tha Veliaj.
I pyetur për përmbytjet në vend, Veliaj duke e krahasuar me vite më parë tha se ky problem është tashmë vetëm periferik.
“Krahasuar me vite më parë ku Lana fryhej e shkonte gjithë unazës sot ngarkesat i kemi periferike, në zona kodrinore, ku janë prerë pemët. Lajmi i mirë është se nuk ka rrezik apo zhvendosje të shtëpisë, por do duhet të bëjmë disa pilotime në disa zona, e kuptoj kanë qenë vitet ‘90 vite të vështira por duhet të japim mesazhin që nga tani e tutje nuk mundet të vazhdojë një ndërtim dokudo sepse ka edhe kosto të lartë betonimi i kodrave, por lajmi më i mirë është që nuk kemi patur tragjedi.”, vijoi ndër të tjera kryebashkiaku.
