Erion Veliaj ka reaguar pas bastisjes që iu bë zyrave të FRD dhe përfshirjen e presidentit në përleshjen me Policinë Bashkiake. Veliaj ka thënë se president ii ka fyer, bullizuar e kërcënuar policët dhe kjo tregon degradim të institucionit. Në një lidhje telefonike me News 24 ai ka thënë se presidenti duhet ta kuptojë se godina në fjalë është pronë e Bashkisë.
“E kemi kërkuar lirimin nga të gjitha partitë politike dhe të gjitha e kanë bërë qartazi, kjo parti vendosi të mos zbatonte ligjin, të sillet si zaptuese dhe të provokojë me presidentit, një njeri të çoroditur mendërisht. Është gjynah, për të ardhur keq. Nëse ka nevojë për sqarime kjo mund të bëhet në bashki, ose të çohet në gjykatë. përdorimi i njerëzve që kanë degraduar mendërisht më duket fyerje e madhe edhe për institucionin e Presidencës. Nëse Presidenti për çdo paqartësi që ka shkon dhe zihet me grushte, fyen uniformat, i bullizon, i kërcënon, dhe prek me dorë e rrihet, kemi të bëjmë me një degradim të rëndë të presidentit dhe institucionit. Nëse dikush ka problem me një shkresë, mjafton të shkojë në Gjykatën Administrative, siç bëj unë. Presidenti duhet të kuptojë se ajo është një zyrë në pronësi të Bashkisë së Tiranës, me hipotekë. Sipas ligjit për partitë politike, partitë që nuk kanë asnjë mandat parlamentar dhe as 1% të votave të popullit, nuk e detyrojnë dot bashkinë”, tha Veliaj.
Ditën e sotme Policia Bashkiake bastisi zyrat e FRD duke kërkuar lirmin e tyre me pretendimin se do kryheshin ndërhyrje për shkak të amortizimit. Gjatë momentit të ndërhyrjes ka pasur edhe përplasje fizike me uniformat blu, ku është përfshirë edhe presidenti Meta.
