Një nga ngjarjet më të rënda ka qenë padyshim edhe vdekja e 17-vjeçarit, Ardit Gjoklaj në landfillin e Sharrës, vdekje për të cilën askush nuk është duke mbajtur përgjegjësi.
Në “Opinion”, kreu i Bashkisë së Tiranës, i akuzuari i parë i drejtpërdrejt për të, ka folur sot rreth çështjes. Edhe një herë tjetër, Veliaj është përpjekur që të heqë peshën e rëndë të vdekjes së të miturit nga vetja disa herë dhe këtë herë ka përmendur edhe fjalët e një prokurori, i cili thotë se vdekja ka ndodhur jashtë landfillit dhe jo brenda tij.
Megjithatë nuk ka mbaruar me kaq, pasi Veliaj është pyetur se cila ka qenë arsyeja që ka takua prokurorin e çështjes, Petrit Fushën, mirëpo këtë fakt kryebashkiaku e ka mohuar kategorikisht.
“Prokurorin Petrit Fusha nuk e kam takuar asnjëherë. E kam takuar vetëm një herë për celebrimin e djalit, por ky nuk ishte pjesë e çështjes. Tashmë një prokuror tjetër thotë se ngjarja kishte ndodhur jashtë Sharrës dhe trupi ishte sjellë në Sharrë për të humbur gjurmët. Atje ka fëmijë nën 18 vjeç që punojnë? Kush ka raste t’i denoncojë” – tha Veliaj.
Nëse kujtojmë emisionet e bëra në kohën kur ka ndodhur ngjarja, pra dy vite më parë, ku pati edhe shkarkime të disa gazetarëve dhe mbyllen e dy emisioneve, ka pasur shumë dëshmi me zë dhe figurë të fëmijëve të mitur, shokë të Gjoklajt, të cilët punon bashkë me të.
Megjithatë tashmë kjo çështje është në dorë të drejtësisë dhe urojmë që kjo të ndodhë.
