Kryetari i Bashkisë së Tiranës, Erion Veliaj ka reaguar edhe ditën e sotme në rrjetin social Facebook për shembjen e Teatrit Kombëtar. Këtë postim Veliaj e ka shoqëruar me disa foto, të cilat tregojnë gjendjen e rrënuar në të cilën ndodhet Teatri.
Në këtë postim, Veliaj ka ironizuar edhe Bashën, ku shprehet se kreu i PD është futur nga halli në Teatër, pasi aty nuk kishte shkelur kurrë më parë.
Veliaj i fton të gjithë ndjekësit që t’i shohinm vetë këto pamje dhe të gjykojnë nëse ia vlen që PD dhe seksioni i kulturës në parti, duhet ta mbajnë peng akoma këtë vend.
“Shumë mirëkuptim për Lulzim Bashën dhe Ujësjellësin Kamëz që prej hallit po futen në teatro, ku s’kanë shkelur kurrë më parë – kërcejnë nga belaja. ️ Por pse duhet fëmijët e këtij vendi të rriten në këtë karakatinë e të mos kenë të njejtën cilësi teatri si shkolla “Kosova”, “Pazari i Ri”, apo Parku i Liqenit? Shihni vetë, e gjykoni nëse ja vlen që PD dhe seksioni i kulturës në parti duhet ta mbajnë këtë vend peng akoma!!!”, shkruan Veliaj në rrjetin social Facebook.
Kujtojmë këtu se qytetarë të shumë, aktivistë dhe artistë prej dy ditësh kanë qenë në ambientet e teatrit edhe pse nuk ka pasur energji elektrike dhe ndriçim.
Nga ana tjetër, kryeministri Rama dhe kryetari i bashkisë së Tiranës insistojnë se godina e Teatrit Kombëtar do të shembet ashtu si janë prishur shumë ndërtesa e janë ndërtuar shumë shkolla e ambiente të reja që kanë rezultuar shumë të pëlqyera nga qytetarët e Tiranës.
