Kryetari i Bashkisë së Tiranës, Erion Veliaj, i cili që nga shkurt ndodhet në paraburgim në Burgun e Durrësit, do të paraqitet këtë të hënë para Gjykatës së Apelit të Posaçëm për të shqyrtuar kërkesën e tij për ndryshimin e masës së sigurisë.
Përmes avokatëve, Veliaj ka kërkuar zbutjen e masës duke kërkuar lirimin dhe zëvendësimin me një masë më të lehtë, duke ofruar garanci pasurore si siguri.
Ai ka depozituar edhe një rekurs në Gjykatën e Lartë për këtë çështje, por ende nuk është përcaktuar data e shqyrtimit apo trupa gjykuese që do të merret me çështjen.
Veliaj po hetohet nga SPAK për akuza që lidhen me shpërdorim detyre dhe korrupsion në ushtrimin e detyrës publike.
Seanca e Apelit pritet të jetë një moment kyç për zhvillimet e ardhshme të këtij procesi.
