Erion Veliaj nuk di të ndalet, ndërsa pas tensioneve me Dukën, publikimit të audiopërgjimit ku shihet sjellja e vërtetë e Veliajt dhe pas shpërthimit të tritolit në banesën e kreut të FSHF, ka lëshuar një mesazh të koduar. Gjatë ditës së sotme në një konferencë që u zhvillua për “Sistemin e kontrollit të brendshëm në mirëmenaxhimin e financave publike”, Veliaj tha askush nuk është i paprekshëm nëse abuzon me fondet dhe taksat e qytetarëve. Kjo vjen si një kërcënimndaj kreut të FSHF, i cili duket që është ‘piketuar’ shumë mirë nga Veliaj.
Erion Veliaj:
Pavarësia dhe paprekshmëria janë dy gjëra të ndryshme; mund të jesh i pavarur, por nuk je i paprekshëm. Dhe meqë FIFA dhe UEFA janë në Zvicër, leksioni më i madh në fakt na vjen nga Zvicra, ku fakti që ruhet sekreti bankar, të dhënat personale, që respekton të drejtat e njeriut, nuk nënkupton se njerëzit janë të paprekshëm, qofshin këta edhe vipat e futbollit. Ti mund të jesh futbollist i shkëlqyer si Platini, por Zvicra nuk të jep imunitet. Zvicra të ndjek, të auditon, të kërkon llogari dhe ti nuk je i paprekshëm. Sepp Blatter ishte mbreti i futbollit, por të qënit në Zvicër nuk i dha askujt imunitet. Në momentin që ti dështon në proceset e auditit, të transparencës, atëherë as në Zvicër, që është sot modeli i ruajtjes së pavarësisë dhe privatësisë, nuk shpëton dot.
