“Ekipi është më i fortë se individi”, këto kanë qenë fjalët e kreut të Bashkisë Erion Veliaj kur është pyetur për largimin e Saimir Tahirit.
Padyshim që Tahiri ka qenë një nga zërat më të fortë në Partinë Socialiste dhe jo më kot shiheshin si konkurrent me Veliajn brenda partisë, por sot kur ish-ministri i Brendshëm është larguar nga detyra, për Veliajn kjo është diçka që kalon dhe kaq.
I pyetur në emision “Opinion”nëse do jenë zgjedhjet normale në Tiranë, pra bëhet fjalë kur në garë është vetëm një kandidat nga partia dhe nëse mendon se largimi i Saimir Tahirir do krijojë probleme, pasi konsiderohej si pikë e fortë në Tiranë, ai ka kthyer një përgjigje të shkruar dhe koncize.
“Partia Socialiste është më e fortë edhe se unë, edhe se Saimiri, edhe se Blerina. Në PS jemi super të mobilizuar, jo vetëm për bashkinë por edhe për këshillin bashkiak sepse na duhet një shumicë që nuk e lënë punën dhe kjo është arsyeja pse Këshilli Bashkiak ka 100 kandidatë”, ka thënë Erion Veliaj.
