Pas tensioneve të krijuara midis kryebashkiakut Veliaj dhe kreut të FSHF-së Armand Duka, reagon me deklaratë të fortë ish-kryetari i Shoqatës Rajonale të Futbollit “Tirana” Sulejman Mema, pasi u akuzua nga Veliaj se merr akoma pagë te Shoqata Rajonale e Futbollit Tirana, pranoi se qeveria po tenton të marrë nën kontroll institucionin e FSHF.
I ftuar në emisionin “A Show”, ish-futbollisti dhe ish-trajneri i Tiranës tha se marrëdhëniet qeveri-FSHF u ftohën pas suksesit të kualifikimit historik në kampionatin europian të 2016 në Francë.
Ndërkohë, i pyetur për mbledhjen e anëtarëve të disa shoqatave sportive të Tiranës me Veliajn e realizuar disa ditë më parë, nga ku doli dhe akuza ndaj tij për pagë të dytë Mema tha se disa prej anëtarëve, që punojnë dhe në arsim janë kërëncuar nga institucionet shtetërore dhe këto i kanë deklaruar në FSHF.
Gjithashtu i pyetur rreth kërkesës së faljes nga Veliaj për ofendimet dhe gjuhën e ashpër kërcënuese të përdorur ndaj tij, Mema tha se Veliaj hodhi helm ndaj tij duke e akuzuar se merr pagë te Shoqata Rajonale e Futbollit “Tirana”, të cilën e drejtoi për 4 vite. Ai theksoi se paguhet si komentator dhe specialist futbolli në “Digitalb” dhe nuk merr para nga SHRF “Tirana”.
“Nuk është problemi për famë. Emrin e kam fituar me kohë. Nuk më vjen mirë të përgojohem për këto probleme. Ka shumë kohë më parë jo tanim qeveria kërkon ta marrë FSHF. Nga koha kur Shqipëria shkoi në EURO 2016, marrëdhëniet mes shtetit dhe FSHF ndoshta u ftohën. Ecuritë e kohëve të fundit kanë dalë ashiqare për të administruar që ende nuk e kanë kapur edhe institucionin e futbollit.
Nuk kishte batuta në mbledhje. Një ditë para më ka thirrur ata që kanë qenë kundërshtarë që punojnë në shtet, mësues të edukimit fizik, punojnë në arsim. U kanë bërë presion dhe ua kanë transmetuar në federatë. Disa kohë përpara, ka pas ndërhyrje nga shteti dy herë radhazi.
Me ato që ka thënë me presor Memën, hedh dhe pak helm se ka thënë që Mema merr rrogë këtu, aty, te shoqata. S’kam marrë ndonjëherë rrogë te shoqata, kam kohë që punoj në Digitalb, kam numër NIPT-i, kontribuoj si komentator dhe specialist futbolli”, theksoi Sulejman Mema në emisionin “A Show”.
