Kryebashkiaku i Tiranës Erion Veliaj mesa duket pas daljes së përgjimeve tashmë nuk shqetësohet më për fjalorin e rëndë që përdor në daljet publike.
Së fundmi i ftuar në emisionin “Të paekspozuarit”, Veliaj ka shpërthyer dhe në një krahasim që ka bërë ka ulur figurën e studentëve konviktorë, duke i konsideruar ato si qenie parazitë që vetëm hanë, rrinë, e shkojnë në tualet.
“Unë nuk luaj më vetë futboll, por kur shikoj padrejtësi reagoj. Ka kauza që nuk kanë pse të jenë të lidhura me interesin personal. Prandaj dallon konviktori nga qytetari. Nëse qyteti për ty është vendi ku fle, ha dhe kryen nevojat personale atëherë ti je një konviktor, ti je thjesht banor, por qytetar bëhesh kur reagon dhe bëhesh aktivist” u shpreh Veliaj.
Kujtojmë se shpesh herë llogari të shumta në rrjetet sociale penalizohen shpesh për gjuhën e përdorur. Atyre iu mbyllen llogaritë, për shkak se supozohet se kanë përdorur gjuhë urrejtje ndaj figurave të politikës.
Por në rastin ku vetë kryebashkaku i Tiranës ofendon haptazi një traget grup që është e ardhmja e vendit, pasi përfaqëson brezin që nesër do jetë në pozita të rëndësishme administrative, mesa duket nuk përbën problem.
Kujtojmë që më herët FSHF publikoi një audio-regjistrim të Veliajt ku ai përdorte një fjalor fyes dhe banal në një takim me anëtarë të Shoqatave të Futbollit të Tiranës.
Ndërkohë mes të tjerave në audio, Veliaj dëgjohet duke thënë se ‘futbolli është i vetmi ishull’, që iu ka mbetur pa pushtuar socialistëve.
Veliaj po kërkon me çdo kusht që Duka të mos rikandidojë për kreun e FSHF-së, dhe për këtë ditët e fundit ka kërkuar dhe një hetim ndërkombëtar ndaj tij, me pretendimin se ka vjedhur duke shpërdoruar detyrën.
Menjëherë pas deklaratave të tij, prokuroria ka nisur një hetim për Dukën, njësoj si të ishte institucion varësie i kryebashkiakut.
