Ditën e djeshme një aksident tragjik ka ndodhur në Castelmassa të Italisë ku si pasojë e përplasjes ka humbur jetën 24-vjeçarja shqiptare Dajana Galicaj.
I fejuari i saj i ka prekur të gjithë me postimin në rrjete sociale ku shpreh të gjithë trishtimin dhe dashurinë që kishtë për 24-vjeçaren.
Teksa publikon një foto në krah të të resë, ai shkruan:
“Nuk di nga t’ia filloj, si më ike kështu o drita e syve të mi, o koala ime e çmuar. Më ke copëtuar gjithë zemrën, pa ty s’kam jetë. Qofsh e Xhenetit sy bukura ime dhe do takohemi shumë shpejt do t’i fillojmë në botën tjetër ëndrrat që lamë përgjysmë. Do jesh gjithmonë në zemrën time, dashuria ime!”.
I fejuari i 24-vjeçares publikon po ashtu një foto teksa ajo shfaqet pranë detit dhe fjalët që i dedikon janë këto:
“Më kujtohet kjo ditë që më the më le të flas pak vetëm me detin. Ç’a fole me detin o dashur, ç’a që të largojë nga kjo jetë, pse o shpirt më le kështu, pse. Më merr me vete o dashuria ime, dua të jem pranë teje”.
Hëna në sfond dhe ata të dy pranë njëri-tjetrit përqafuar. Kështu e kujton i fejuari Daianën dhe shkruan:
“Kështu si shihnim hënën dhe flisnim për çdo gjë shpirt, kështu do të shohim dhe detin nga lart dhe do flasim prapë bashkë jetë”.
Pikërisht kjo është dhe foto e fundit e publikuar prej tij. Ai ka postuar një foto ku Daiana shfaqet me një bluze engjëlli, ndërsa thotë se tashmë, ajo u kthye në engjëllin e tij. “Këtë bluzë me shkrimin engjëll e pëlqeje shumë, ja u bërë engjëlli im tani. Zoti të mori pranë vetes. Tani po e vesh unë Inshalla na bashkon kjo bluzë”, shkruan i riu.
Çifti postonin shpesh foto në rrjetet sociale duke treguar dashurinë e madhe që ata kishin. Gjithashtu, ata kishin bërë tatoo të përbashkët me emrat e njëri-tjetrit.
